P1.890 MILYONG HALAGA NG HIGH-GRADE MARIJUANA NASABAT NG BOC at PDEA

SA isang pinagsamang operasyon, ang Bureau of Customs (BOC) at ang Philippine Drug Enforcement Agency (PDEA) sa Port of Clark ay matagumpay na nasabat ang isang parcel na naglalaman ng 2.09 kilong high-grade marijuana na may halagang P1,890,000.00.

Ang parcel, na nagmula sa Sacramento, USA, at patungo sa Surigao del Norte, ay na flagged ng enhanced X-ray scanning ng BOC’s X-ray Inspection Project (XIP) dahilan upang sumailalim sa pisikal na pagsusuri ng mga awtoridad.

Sa pagsusuri, ang mga awtoridad sa customs ay nakita ang 12 plastic sachets na naglalaman ng isang kulay berde at matigas na substansiya na nakatago sa loob ng isang itim na PVC cylinder sa loob ng isang brown rectangular box na may label na “Ink Toners”.

Ang substansiya ay kalaunang nakumpirma na Tetrahydrocannabinol, isang mapanganib na droga na nakalista sa ilalim ng R.A. No. 9165, as amended.

Ang matagumpay na pagkumpiska na ito ay bahagi ng komitment ng BOC sa Anti-Illegal Drug Campaign ni Pangulong Ferdinand R. Marcos Jr. at sa mga pagsisikap na palakasin ang laban ng Pilipinas kontra sa mga ipinagbabawal na droga.

Ang operasyon ay naging posible sa pamamagitan ng pinagsamang pagsisikap ng Port of Clark – Customs Anti-Illegal Drug Task Force, Philippine National Police, National Bureau of Investigation, Department of Justice, at mga lokal na opisyal.

Isang Warrant of Seizure and Detention ang inisyu para sa shipment, na nagsasaad ng mga paglabag sa Customs Modernization and Tariff Act (CMTA) at R.A. No. 9165, as amended.

Binigyang diin ni Komisyoner Bienvenido Y. Rubio na patuloy ang mga pagsisikap ng Bureau of Customs (BOC) upang palakasin ang seguridad sa mga border at panatilihin ang integridad ng sistema ng kalakalan ng bansa.

Binigyang-diin din niya ang kahalagahan ng modernisasyon, estratehikong pagpapatupad ng batas, at pakikipagtulungan sa pagitan ng mga ahensiya sa pagpapalakas ng seguridad ng bansa at pagprotekta sa kapakanan ng mga Pilipino.

Weng Torres