PAGNANAKAW SA ILALIM NG BALATKAYO NG KORPORASYON AT KORTE
ISANG malinaw at malubhang pandaraya ang nagaganap sa kaso ng pamilya Endozo, isang kuwento ng katiwalian, panlilinlang, at sistematikong pagsasamantala ng isang korporasyon sa kahinaan ng hustisya.
Ang Belle Corporation, sa pamamagitan ng kanilang kinatawan na si Rogelio I. Robang, at ang taksil na anak na si Mojica Endozo-Cabrera, ay walang habas na nagnakaw sa lupang pag-aari ng kanilang sariling ama at lolo, si Juan Perez Endozo.
Hindi lamang ito simpleng kaso ng pagsisinungaling kundi isang malinaw na kriminal na konspirasyon upang agawin ang isang titulo sa pamamagitan ng pekeng dokumento at legal na panloloko.
Ang Belle Corporation ay naghasik ng gulo sa pamamagitan ng paghain ng sham counter-defense, isang kasong “False Testimony” at “Annulment of Title” na pawang mga desperadong hakbang upang baluktutin ang katotohanan.
Nakakagalit na ang kaso laban sa yumaong Juan Perez Endozo (na namatay noong 2005) ay hindi man lang napadalhan ng court summons! Paano magkakaroon ng patas na laban kung patay na ang akusado? Ano ito, korte o tanghalan ng kabalintunaan?
At ang pinakamalaking insulto sa lahat: ang adverse claim ng Belle Corporation sa titulo (T-65828) ay WALANG BASEHAN!
Ayon sa Register of Deeds ng Tanauan at sa National Archives, WALANG RECORD ng Deed of Instruments na kanilang ginamit para magtatak ng claim. Ibig sabihin, PEKE ang dokumento, PEKE ang proseso, at PEKE ang kanilang karapatan sa lupa!
Ang lupa ay walang anumang improvements at ang titulo ay nanatiling nakapangalan kay Juan Perez Endozo, pati na ang tax declaration.
Hindi ito usapin ng “legal technicality” kundi isang malinaw na kaso ng PANDARAMBONG sa ilalim ng balatkayo ng korporasyon.
At ngayon, lumalabas pa na may buhay pang anak si Juan Perez Endozo, si Gerardo Malabo Endozo, na handang magpatunay sa katotohanan.
Kung ang batas ay talagang para sa lahat, bakit patuloy na pinapayagan ang ganitong kalakaran? Bakit hinahayaan ng korte ang mga korporasyong gaya ng Belle Corporation, na gamitin ang sistema para manlamang sa mga ordinaryong mamamayan? Dapat nang tapusin ang impunity na ito!
Ang pamilya Endozo ay hindi dapat mag-isa sa labang ito. Dapat kumilos ang Ombudsman, ang DOJ, at maging ang media upang ilantad ang katiwaliang ito.
Hindi ito simpleng property dispute, ito ay pagnanakaw sa broad daylight, at dapat managot ang mga sangkot.
“Panahon na para magising ang hustisya. Panahon na para labanan ang mga mandaraya.”
