CAP ACT VS CLASSROOM BACKLOG, SUPORTA NG CEBU MAYORS – Bam Aquino

Ni Ernie Reyes

Nagpahayag ang Cebu Chapter ng League of Municipalities of the Philippines (LMP) ng buong suporta sa agarang pagsasabatas ng Classroom-Building Acceleration Program (CAP) Act ni Sen. Bam Aquino upang makatulong na matugunan ang kakulangan sa mga silid-aralan sa bansa.

Iniabot ng LMP Cebu Chapter — na kumakatawan sa 44 na municipal mayor ng lalawigan — kay Aquino ng kopya ng Resolution No. 2, Series of 2025 sa kanyang pagbisita sa lalawigan para sa pagdiriwang ng Sinulog Festival kamakailan.

Inaasahang aaprubahan ng Senado ang Senate Bill No. 1482 sa ikatlo at pinal na pagbasa kapag nagbalik ang sesyon sa Enero 26. Isinama rin ang panukala sa priority list ng Legislative-Executive Development Advisory Council (LEDAC).

Sa ilalim ng panukala, maaaring magtayo ng mga silid-aralan ang mga local government unit (LGU) at mga non-government organization (NGO) na may napatunayang track record sa loob ng kanilang nasasakupan, alinsunod sa mga pamantayan at alituntunin ng Department of Education.

Sa resolusyon nito, binigyang-diin ng LMP Cebu Chapter ang kahalagahan ng CAP Act sa pagtugon sa kakulangan ng mga silid-aralan at learning spaces sa bansa, partikular sa mga munisipalidad.

“Senator Bam Aquino has introduced the Classroom Building Acceleration Program (CAP) Bill, which seeks to hasten the construction, rehabilitation, and improvement of classrooms nationwide through coordinated and efficient government action,” pahayag ng grupo.

“The proposed measure aims to strengthen inter-agency collaboration, improve utilization of education infrastructure funds, and ensure timely implementation of school building projects,” dagdag pa nito.

Binigyang diin din ng LMP Cebu Chapter sa resolusyon nito na ang CAP Act ay isang mahalagang hakbang tungo sa pagkamit ng inklusibo at de-kalidad na edukasyon para sa lahat, alinsunod sa layunin ng pambansang pamahalaan na paunlarin ang sektor ng edukasyon.

Ang panukala ay nagkakaisang inaprubahan ng LMP Cebu Chapter sa mosyon ni Mayor Lissa Marie Durano-Streegan, kung saan sama-samang hinimok ng grupo ang dalawang kapulungan ng Kongreso na agarang aprubahan ang panukala.

Nilagdaan ang resolusyon ng 44 municipal mayors ng Cebu, kabilang sina Rajiv Enad (Minglanilla), Mytha Canoy (San Fernando), Caroline Bacaltos (Sibonga), Jose Eugenio B. Singson Jr. (Alcoy), Allan Sesaldo (Argao), Nelin Tambis (Dalaguete), Emerito Calderon Jr. (Samboan), Joie Genesse Derama (Boljoon), Ronald Guaren (Oslob), Marites “Monic” Bucasto (Santander), Cesari Ignatius Moreno (Aloguinsan), Dana Andrew Dumdum (Asturias), Amos Edwin Cabahug (Balamban), Glenn Baricuatro (Pinamungajan), Pablo John Garcia IV (Barili), Christian Diamante (Tuburan), Orlando Layese (Bantayan), Gilbert Arrabis Jr. (Daanbantayan), at Romeo Villaceran (Madridejos).

Sinuportahan din ang resolusyon nina Mayors Edwin Salimbangon (Medellin), Mariano Martinez (San Remigio), Ithamar Espinosa (Santa Fe), Rex Gerona (Tabuelan), Francis Salimbangon (Tabogon), Nico Dotillos (Borbon), Carlo Villamor (Carmen), Avis Monleon (Catmon), Felijur Quiño (Compostela), Aljew Frasco (Liloan), Manuel “Winky” Santiago (Pilar), Edgar Rama (Poro), Alfredo Arquillano Jr. (San Francisco), Lissa Marie Durano-Streegan (Sogod), Greman Solante (Tudela), Teresa Alegado (Consolacion), Cesar “Didoy” Suan (Cordova), Fritz Lastimoso (Alcantara), Gilberto Magallon (Alegria), Jerome Librando (Badian), Efren Gica (Dumanjug), Erlinda Piedad (Malabuyoc), Inocentes “Titing” Cabaron (Moalboal), Chantilli Ann Victoria Blanco (Ronda), at Roy Vincent Singco (Ginatilan).

Pumirma rin sa resolusyon ang mga alkalde mula sa mga component city ng Cebu — kabilang sina Gerald Anthony Gullas (Talisay City), Valdemar Chiong (Naga City), Mario Patricio Barcenas (Carcar City), Marjorie Perales (Toledo City), at Maria Cielo Martinez (Bogo City).