“GREEN BONES” BIGGEST WINNER SA 8TH EDDYS AWARDS!!!

HUMAKOT  ng limang (5) tropeo ang pelikulang “Green Bones” ng GMA Pictures,  sa katatapos na 8th EDDYS Awards night na ginanap sa Marriott Grand Ballroom, Pasay City nu’ng Hulyo 20, 2025.

Nakopo nito ang Best Picture; Best Director, Zig Dulay; Best Actor para kay Dennis Trillo; Best Cinematography, Neil Daza; Best Supporting Actor, Ruru Madrid, kahati si Aga Muhlach para sa obrang “Uninvited”.

Ipinagkaloob naman kay Marian Rivera ang karangalang Best Actress para sa kanyang pagganap sa Cinemalaya entry na “Balota”. Tinanggap naman ni Lorna Tolentino ang Best Supporting Actress sa kanyang pagganap sa pelikulang “Espantaho” na nakopo rin ang Best  Visual Effects.

Iba pang parangal gaya ng: “Under A Piaya Moon”, Best Screenplay; “Isang Himala”, Best Musical Score, Vincent de Jesus; “The Kingdom”, Best Production Design; “Topakk” Best Sound, Michael Idioma ; “My Future You”, Best Editing; Museo ni Eliza Maturan (“My Future You”), Best Original Theme Song.

Naging smooth naman ang awarding ceremony na tumayong mga hosts sina Kylene Alcantara, Alexa Ilacad at Darren Espanto. (Anthony Solis)