China bukas sa paglagda sa Code of Conduct sa ‘disputed waters’ – Tulfo

Ni Ernie Reyes

Nananatiling bukas ang Chinese government na lumagda sa Code of Conduct na sasakop sa pagkilos sa pinagtatalunang karagatan sa South China Sea, ayon kay Senador Raffy Tulfo sa panayam sa Senado.

Sa panayam, sinabi ni Tulfo, chairman ng Senate committee on foreign realtions, na nagkaroon ng ganitong pananaw sa ginanap na diyalogo sa pagitan nina  Foreign Affairs Secretary Ma. Theresa P. Lazaro at Chinese Ambassador to the Philippines Jing Quan.

“Open sila to sign at mukhang interested din sila kasi kasama sila doon sa meeting ng Code of Conduct, creation ng Code of Conduct, nandun sila. So, I would assume may mga inputs din sila doon kasi lahat naman ng parties, Malaysia, Vietnam, Brunei, tayo, ay amenable doon sa Code of Conduct,” ayon kay Tulfo. 

Isinagawa ang diyalogo sa gitna ng word war  sa pagitan ng ilang mambabatas at opisyal n Philippine Coast Guard sa Manila kaya’t inihayag ni Tulfo na pawang produktibo ang naging usapan.

“Both of us agreed na open yung continuous diplomatic meetings rather than public discourse, rather than magbanatan sa on-air, social media, newspaper. Sang-ayon siya na sana laging ganoon, may meeting na lang, para to advance further itong better relations between Philippines and China,” ayon kay Tulfo. 

Ngunit, kahit itinuturing nitong produkibo ang pulong, inihayag ni Tulfo na hindi napag-usapan ang word war.

“Di naman napag-usapan yan, pero ang napag-usapan namin is yung they are very excited din dun sa Code of Conduct na tinatapos between China at ASEAN countries, Malaysia, Vietnam, Philippines and Brunei. So hopefully by December matatapos na yun so meron tayong Code of Conduct,” giit niya.

Kaugnay nito, inihayag din ni Tulfo na ibabalik sa Pilipinas sa Marso ang  Memorandum of Understanding sa pagitan ng Philippine Coast Guard at Chinese Coast Guard.

“Instead na magbanatan sila doon sa West Philippine Sea, magkaroon na lang ng cooperation like patrol, search and rescue, clean up, yun yung nabanggit ni Ambassador Jing,” aniya. 

Kamakailan, inaprubahan ng Senado na may 15 lagda ang isang resolusyon na nagpapahayag ng pagkondena sa huling public pronouncement na ginawa ng Chinese embassy sa Maynila na bumabatiko sa opisyal ng Pilipinas at institusiyon para sa posisyon na tinindigan bilang pagtatanggol sa soberenya at karapatang maritima ng Pilipinas.

 Nakatakda sa Senate Resolution No. 256, nagsasabing: “the lawmakers stressed that the language used by a Chinese embassy official, directed at incumbent members of Congress, departs from “the restraint, courtesy, and responsibility expected of diplomatic communications” and runs counter to “the principles of mutual respect and non-interference” among states.”