DETENTION ORDER vs ex-DPWH Engineer sa Flood Control, NILAGDAAN ni Escudero

Ni Ernie Reyes

Bago pa man mapalitan bilang Senate President, nilagdaan ni Senador Francis “Chiz” Escudero ang detention order laban kay dating engineer Brice Erickson Hernandez ng Department of Public Works and Highways (DPWH) na sangkot sa maraming “ghost” flood control projects in Bulacan,

Naunang kinasuhan ng contempt si Hernandez, matapos tumanggi itong pangalanan ang lahat ng pulitikong nasa likod ng ghost project sa lalawigan ng Bulacan na pawang home province ni dating Majority Leader Joel Villanueva.

Taga-Bocaue, Bulacan din si dating DPWH District Engineer Henry Alcantara na dinismis sa serbisyo na sangkot din sa maanomalyang flood control projects.

Base sa order na nilagdaang ni Escudero, mananatili si Hernandez dating assistant district engineer sa Bulacan, na kung saan nakaparaming ghost flood control projects, sa Office of the Sergeant-At-Arms hanggang magbigay ito ng makatotohanang testimonya or tanggalin ang kasong contempt.

Hindi na pinaalis si Hernandez sa Senado habang isinasagawa ang imbestigasyon ng Senate Blue Ribbon Committee sa anomalya sa flood control project, bago siya alalayan ng Senate Police patungo sa Senate detention center.

Naunang dumalo si Hernandez sa pagdinig ng Blue Ribbon committee matapos siyang padalhan ng subpoena na dumalo sa Senado na kinuwestiyon sa pagkakasangkot sa iregularidad sa flood control projects at pagsusugal gamit ang pekeng ID upang makapasok sa casino.

“Members of the Senate Blue Ribbon panel were convinced, however, that Hernandez was evasive and untruthful in his replies, moving the committee to cite him in contempt,” ayon kay Escudero.

Ernie Reyes nag-uulat para sa RoadNews