ALL-OUT WAR vs AGRICULTURAL SMUGGLER, IDENEKLARA ni Kiko, BOC
Ni Ernie Reyes
Matinding ideneklara ni Senador Francis “Kiko’ Pangilinan at Bureau of Customs (BOC) ang all-out war laban sa agricultural smuggling matapos pangunahan ang pagsusuri sa two 40-foot containers na may smuggled agricultural products na nagkakahalagang P12.96 million sa Manila International Container Port (MICP) nitong Lunes, October 27.
“Ang mahalaga dito ay nagtutulungan ang ating Committee on Agriculture sa Senado at ang BOC. Interestingly enough, ako ay naging chairman ng Senate Committee on Agriculture ng end of July at si Commissioner Ariel Nepomuceno naman ay naging commissioner (ng BOC) beginning July,” ayon kay Pangilinan.
Bilang chairman ng Senate Committee on Agriculture, Food, and Agrarian Reform, pinangunahan ni Pangilina ang pagsasagawa ng public hearing sa kalagayan ng sektor ng agrikultura ng Pilipinas at epekto ng smuggling sa magsasaka, mangingisda, ekonomiya at consumer.
Nitong Lunes pinangunahan ni Pangilinan at BOC Assistant Commissioner Vincent Philip Maronilla ang inspection sa dalawang containers na may misdeclared frozen chicken breasts at fish balls sa MICP.
Tinatayang aabot sa halagang P12.96 milyon, ang kargamento ay nagdeklara ng 5,300 cartons ng fish balls pero natuklasang may sako-sakong frozen chicken breasts.
Kamakailan, anim na indibiduwal ang kinasuhan ng contempt sa Senado at ikinulong Kabilang ang broker at isang BOC deputy collector ng Port of Subic—dahil nabigo silang makipagtulungan sa imbestigasyon ng komite laban sa talamak na agricultural smuggling na nangyayari sa daungan ng bansa.
“If at all, that’s an indicator of how serious we are, how serious the BOC is. We have been coordinating with the BOC since Day 1 of our smuggling hearings. They have been providing us the necessary documents and information,” aniya.
Sinabi ni Pangilinan na nakikipagtulungan sila sa Office of the Ombudsman, Department of Justice (DOJ), at National Bureau of Investigation (NBI) na simulant ang pagbubuo ng kaso at paghahain ng kasong non-bailable laban sa smugglers sa ilalim ng Anti-Agricultural Economic Sabotage Law.
“Ang lakas ng loob nilang ipasok (at) gumawa ng kalokohan. Is this salvaged value? Ibig sabihin, binili sa China, dapat itapon na, pero dahil mura dadalhin dito tapos lilinisin – ganon ba ang sistema?,” aniya. “We want to check kasi yung ganon. Don ngayon pumapasok yung sakit.”
Ernie Reyes nag-uulat para sa RoadNews
