Batang Manlalangoy mula Sucat, Nag-uwi ng Medalya mula Thailand
ni STF Merlita Geroy
Nagtagumpay ang isang batang manlalangoy ng Immaculate School sa Sucat sa isang prestihiyosong paligsahan sa internasyonal na antas.
Sa katatapos na 24th RBSC Invitational Swim Meet na ginanap sa Bangkok, Thailand, nasungkit ni Axl Rose G. Ramos, isang Grade 7 na mag-aaral, ang karangalan bilang First Runner-up sa kategoryang 100-meter backstroke.
Ang tagumpay ni Ramos ay hindi lamang personal na tagumpay kundi isa ring parangal para sa kanyang paaralan at sa bansang Pilipinas. Ipinakita ng kanyang pagsisikap sa pool ang dedikasyon at potensyal ng mga batang atletang Pilipino sa larangan ng sports.
Ang RBSC Invitational Swim Meet ay isang kilalang kompetisyon na dinadaluhan ng mga promising young swimmers mula sa iba’t ibang bansa sa rehiyon. Ang pagwawagi ni Ramos sa naturang paligsahan ay nagpapakita ng mataas na kalidad ng kanyang training at ang kanyang kakayahang makipagsabayan sa pinakamahuhusay na manlalangoy sa kanyang edad.
