Andrea Brillantes, Pinasabik ang Manonood sa Mapangahas na Role sa ‘Batang Quiapo’
Nagbigay ng panibagong init sa FPJ’s Batang Quiapo ang aktres na si Andrea Brillantes matapos niyang gampanan ang isang mapangahas at sexy na karakter sa tele-serye.
Sa kanyang pagpasok sa palabas, agad siyang naging usap-usapan, lalo na’t ipinakita niya ang isang mas mature at daring na role na naiiba sa kanyang dating imahe.
Sa kanyang pagganap, si Andrea ay isang misteryosang babae na may matapang at mapanuksong personalidad. Sa mga eksena niya kasama si Jake Cuenca, hindi maikakaila ang kanilang matinding chemistry, na nagbigay ng panibagong kilig at tensyon sa serye.
Sa isang tagpo, makikita ang palitan nila ng titig at banat ng linya na puno ng pang-aakit, dahilan upang umani ng samu’t saring reaksiyon mula sa netizens.
Maraming tagasubaybay ang nagulat at humanga sa kanyang transformation, na anila’y patunay ng kanyang versatility bilang artista.
Dahil sa kanyang performance, marami ang nagtatanong kung mananatili ba siya sa serye nang mas matagal, o isa lamang siyang panandaliang karakter na magdadala ng gulo sa palabas.
Patuloy na inaabangan ng mga manonood ang magiging papel ni Andrea sa takbo ng istorya.
Siya kaya ang magiging bagong babaeng magpapalambot sa puso ng karakter ni Jake Cuenca, o isa siyang mapanganib na tukso na magdadala ng panibagong gulo sa mundo ng Batang Quiapo?
Abangan ang susunod na mga episode upang malaman ang kasagutan!
Giselle Kaye Guiritan para sa RoadNews Showbiz
