Bakit Nagkawatak-watak ang Uniteam?

Ni: Dionel F. Tubera, Ph.D.

NOONG eleksyon 2022, tila isang makapangyarihang alyansa ang nabuo sa pagitan ng

Marcos at Duterte camps sa ilalim ng "Uniteam." Marami ang naniwala na ito na angsimula ng matibay na pagkakaisa sa loob ng gobyerno, pero bakit nga ba tila mabilis itong gumuho?

1. Hindi Natural na Alyansa

Bagamat parehong malakas ang political machinery ng dalawang pamilya, hindi naman talaga magkaalyado ang kanilang mga ideolohiya. Ang Marcoses ay mas nakatuon sa pagpapanumbalik ng kanilang political dominance, habang ang Duterte camp naman ay nagdala ng populistang estilo ng pamamahala na isang paraan ng

pakikipagkomunikasyon at pamumuno na naglalayong kumonekta sa “karaniwang tao”; laban sa isang itinuturing na elite o naghaharing uri, at noong kampanya, tila nagkaisa sila sa iisang layunin—ang MANALO. Ngunit matapos ang eleksyon, lumabas ang mga fundamental na pagkakaiba sa kanilang pamamalakad at interes.

2. Agawan sa Kapangyarihan

Matapos maluklok sa pwesto, nagsimula nang lumitaw ang bangayan sa pagitan ng mga key figures ng Uniteam. Isa sa mga malinaw na senyales nito ay ang pagbibitiw ng ilang malalapit kay dating Pangulong Duterte sa mga mahahalagang posisyon sa gobyerno. Hindi nagtagal, naging mas malinaw ang bangayan nang magsimula ang tila paglamig ng relasyon ng Malacañang at ni dating Pangulong Duterte.

3. Isyu ng Maharlika Fund at Ekonomiya

Isa sa mga naging tampok na isyu sa administrasyon ni Pangulong Marcos Jr. ay ang Maharlika Investment Fund. Maraming kaalyado ni dating Pangulong Duterte, kabilang si Senador Imee Marcos, ang nagpahayag ng alinlangan dito. Dahil dito, nagkaroon ng tensyon sa pagitan ng dalawang kampo. Dagdag pa rito, lumakas ang batikos sa administrasyon dahil sa mataas na inflation at ilang desisyong pang-ekonomiya na hindi nagustuhan ng ilan sa mga dating tagasuporta ng Uniteam.

4. Pagdistansya ng Duterte Camp

Isang malaking indikasyon ng pagkakawatak-watak ng Uniteam ay ang lantad na pagdistansya ni dating Pangulong Duterte at ni Senador Bong Go kay Pangulong Marcos Jr. Naging mas madalas ang kanilang pagpuna sa kasalukuyang administrasyon, lalo na sa mga isyung may kinalaman sa foreign policy, ekonomiya, at

kampanya kontra droga. Maging ang anak ni dating Pangulong Duterte na si Sara Duterte, na kasalukuyang Bise Presidente, ay tila lumayo sa shadow ng Uniteam at

gumagawa ng sarili niyang political brand.

5. 2025 at 2028 Elections

Habang papalapit ang midterm elections sa 2025, nagiging mas malinaw na may kanya-kanyang plano na ang dalawang kampo. Ang mga Duterte ay tila bumabalik sa pagiging independent political force, na maaaring magbigay-daan sa isang bagong banggaan sa 2028 presidential elections. Ang tanong: mananatili ba ang suporta ng masa sa kanila, o mas magiging matibay ang political control ng kasalukuyang administrasyon? Bukod dito, maaaring lumitaw ang bagong alyansa na maaaring bumago sa political landscape ng bansa.

6. Epekto sa Publiko at Politika

Sa patuloy na pagkawala ng Uniteam, ramdam na rin ang epekto nito sa masa at sa governance. Mas lalong nagiging matindi ang hidwaan sa gobyerno, na maaaring magresulta sa kawalan ng direksyon ng ilang mahahalagang programa. Ang pagkakawatak-watak ng kanilang alyansa ay maaaring lumikha ng panibagong pagkilos sa loob ng oposisyon, na maaaring samantalahin ang sitwasyong ito upang mapalakas ang kanilang posisyon sa darating na mga halalan.

Konklusyon

Sa bandang huli, ang pagkakawatak-watak ng Uniteam ay hindi na rin nakakagulat. Isa itong alyansang nabuo dahil sa convenience ng eleksyon, hindi dahil sa tunay na pagkakasundo ng prinsipyo at layunin. Habang papalapit ang susunod na halalan, tiyak na mas magiging malinaw kung sino ang tunay na may kakayahang mamuno at kung sino ang magwawagi sa patuloy na banggaan ng mga malalakas na political forces sa bansa. Ang bayan ang siyang magpapasya kung sino ang tunay na lider na kayang itaguyod ang interes ng sambayanan.