Song Joong Ki, Namataan sa Pilipinas para sa Personal na Pagbisita
IKINAGULAT at ikinatuwa ng maraming tagahanga ang biglaang pagbisita ng Korean superstar na si Song Joong Ki sa Pilipinas. Bagama’t walang opisyal na anunsyo mula sa kanyang kampo, ilang netizens ang nakakita sa aktor sa iba’t ibang lugar sa Maynila, na agad naging usap-usapan sa social media.
Ayon sa mga ulat, personal na dahilan ang pagbisita ni Song Joong Ki sa bansa, at maaring may kaugnayan ito sa anumang opisyal na fan meeting o promotional event. Sa kabila nito, marami ang excited at umaasang makita siya sa personal ng kanyang mga Filipino fans.
Si Song Joong Ki ay isa sa pinakasikat na aktor sa South Korea, kilala sa kanyang mga papel sa hit K-dramas tulad ng “Descendants of the Sun”, “Vincenzo”, at “Reborn Rich”. Dahil sa kanyang kasikatan, hindi nakapagtataka na ang kanyang simpleng pagbisita sa bansa ay agad naging viral sa social media.
Samantala, patuloy na nag-aabang ang kanyang mga tagahanga sa posibilidad ng higit pang sightings ng aktor sa iba’t ibang bahagi ng Pilipinas. Habang wala pang opisyal na pahayag kung gaano siya katagal dito sa ating bansa, nananatiling masaya ang kanyang Filipino supporters na makita ang kanilang idolo sa bansa, kahit sa hindi inaasahang pagkakataon.
(Giselle Kay Guiritan)
