P290-MILYONG FARM MACHINERIES IPINAMAHAGI SA MGA MAGSASAKA NG WESTERN VISAYAS

ILOILO | Tumanggap ng P290 milyong halaga ng mga farm machineries ang mga magsasaka mula sa Aklan, Antique, at Iloilo upang mapalakas ang kanilang produksyon.

Ang donasyon mula sa Department of Agriculture Philippine Center for Postharvest Development and Mechanization (DA PHilMech) ay kinabibilangan ng 35 four-wheel drive tractor, 34 combine harvester, 18 village-type rice mill, 11 drying system, at 2 precision rice seeder.

Ang mga makinarya ay bahagi ng Rice Competitiveness Enhancement Fund (RCEF) mechanization program na naglalayong magdala ng modernong teknolohiya sa mga magsasaka. Inaasahang mabawasan nito ang gastos sa produksyon ng P2-P3 bawat kilo at ang postharvest losses ng 3% hanggang 5%.

Nagpahayag ng taos-pusong pasasalamat si DA-Western Visayas Regional Executive Director Dennis Arpia sa PHilMech sa pagsusulong ng agricultural mechanization sa rehiyon.

Tito Lucas nag-uulat para sa RoadNews