Legarda: Women, Peace, Security Agenda dapat gawing gabay ng pamahalaan

Ni Ernie Reyes

Nanawagan si Senadora Loren Legarda sa ganap na institusyunalisasyon ng Women, Peace, and Security (WPS) Agenda sa lahat ng sektor ng pamahalaan upang umayos ang pagpaplano at paglalaan sa bawat proyektong pampubliko.

Sa kanyang keynote address sa 7th International Forum on Law and Religion in the Philippines na ginanap sa University of the Philippines BGC Campus sa Lungsod ng Taguig noong Nobyembre 21, Hinimok ni Legarda ang  pagsasabuhay ng mga prinsipyo ng WPS sa pagpaplano at pagbubudget ng pamahalaan na may malinaw na pananagutan.

“The Women, Peace, and Security Agenda must not be treated as a single policy compartment. It must influence every sector and serve as a lens for how we allocate resources,” pahayag ni Legarda.

“The national budget is the most visible expression of what we value. It must carry the Women, Peace, and Security Agenda across all institutions.”

Ang forum, na nagmarka ng ika-25 taon ng UN Security Council Resolution 1325, ay inorganisa ng UP Law Center, Philippine Center for Islam and Democracy, at International Center for Law and Religion Studies ng Brigham Young University.

Bilang four-term senator at matagal nang tagapagtaguyod ng WPS, tinalakay ni Legarda ang pag-unlad ng balangkas ng WPS sa Pilipinas mula batas tungo sa pagpapatupad. Kabilang sa kanyang binanggit ang pag-akda niya ng mahahalagang batas tulad ng Anti-Trafficking in Persons Act, Anti-Violence Against Women and Children Act, Magna Carta of Women, at Expanded Maternity Leave Law bilang pundasyon ng WPS architecture ng bansa.

“We have worked to ensure that the Women, Peace, and Security Agenda guides national development and is not treated as a separate concern. It is now embedded in legislation, national planning, governance structures, and regional partnerships,” ani Legarda.

Ipinunto rin niya ang mga paraan ng integrasyon ng WPS sa climate governance, karapatan ng mga katutubo, at interfaith dialogue, kalakip ang pagbanggit sa partikular na batas bilang precedent sa pagpapalawak ng papel ng kababaihan sa paggawa ng polisiya.

“When I championed the Climate Change Act of 2009, I ensured that women were represented in its decision-making. Addressing climate risks is essential to any comprehensive Women, Peace, and Security approach,” wika niya.

Isa sa mga pangunahing punto ng kanyang talumpati ang panawagan para sa gender-responsive budgeting, alinsunod sa 5% GAD requirement sa lahat ng ahensya ng pamahalaan sa ilalim ng Magna Carta of Women.

“These investments broaden opportunities for women to lead and improve outcomes across sectors. But families cannot live on promises. These laws must reach the barangays where mothers line up for vaccines, where girls walk long distances to school, and where women rebuild their homes after every typhoon,” diin niya.

Binanggit din ni Legarda ang mga bagong tagumpay kabilang ang paglulunsad ng kauna-unahang WPS Center of Excellence sa Timog-Silangang Asya at ang pag-angat ng Pilipinas bilang ika-20 sa mundo at unang bansa sa Asya para sa gender equality sa 2025 Global Gender Gap Report.

“Let us continue to push, insist, and ensure that the Women, Peace, and Security Agenda is non-negotiable,” pagtatapos niya.

Dinaluhan ng humigit-kumulang 200 kalahok ang forum na muling nagpatibay sa pamumuno ng Pilipinas sa pagsusulong ng gender equality, peacebuilding, at inclusive governance sa rehiyon.